Pjerin Ndreu i përgjigjet “flakë për flakë” Sali Berishës: “Doktor hajde bëjmë vetting për darkat…”

Deputeti socialist Pjerin Ndreu ka reaguar pas publikimit të fotos së tij me një personazh ish-të dënuar nga ish-kryeministri Sali Berisha.

Në një status në “Facebook”, Pjerin Ndreu e fton Berishën të bëjnë vetting për darkat duke i përmendur darkat e tij, për të cilat thotë se do habitej jo vetëm Tropoja por dhe Beogradi.

Ndreu i kujton Berishës së është malësor dhe thotë se në shtëpinë e tjetrit nuk i zgjedh të ftuarit, duke justifikuar kështu foton me ish-të dënuarin për trafik droge.

STATUSI I PJERIN NDREUT

Doktor hajde bëjmë Veting për darkat por kam frikë se do habitet edhe Prishtina jo vetëm Tropoja me darkat e tua, se Beogradi ti dhe unë e dimë që nuk habitemi se ka edhe bisedat që ke bërë me ato, jo vetëm fotografi! Hiq dorë nga përndjekjet e njerëzve me dreka e darka se ato janë pa protokoll, nuk kanë kriter dëshminë e penalitetit! Meqë je edhe malësor por që ke harru rregullat elementare të tavolinës, në shpi të tjetrit nuk i vendos rregullat e as nuk zgjedh të ftuarit ti!