Eduard Ndreca zgjidhet nënkryetar i Shoqatës së Qarqeve të Shqipërisë

Shoqata e Këshillave të Qarqeve të Shqipërisë ka zhvilluar mbledhjen e saj të parë pas zgjedhjeve të 30 qershorit. Mbledhja u drejtua nga Kryetari z.Aldrin Dalipi.

Shoqata vlerësoi se institucioni i Këshillit të Qarkut ka rol të rëndësishëm në vlerësimin e dëmeve të banesave nga tërmeti i disa ditëve më parë. Në takim u falënderuan rajonet europiane që u solidarizuan me Shqipërinë pas tërmetit, ndërsa u theksua se Shoqata do intensifikojë kontaktet me qarqet dhe rajonet e Europës për ndihmë në mjete dhe pajisje për raste të emergjencave civile pasi shumë njësi të qeverisjes vendore i kanë të nevojshme.

Shoqata zgjodhi dhe nënkryetarët e saj për mandatin katërvjeçar ,z. Eduard Ndreca, kryetar i Qarkut Lezhë, z. Ana Verushi, kryetare e Qarkut Korçë si dhe Lindita Rova, kryetare e Qarkut Gjirokastër.